Þessar þrettán mínútur ætla að láta að bíða aðeins eftir sér en nálægt var það. Það er þó allavega óhætt að segja að þetta hafi verið betri byrjun á keppnistímabilinu en í fyrra. Ég hljóp sem sagt 5000m á Stanford Invitational í gær til að opna tímabilið hjá mér af alvöru. Ég hljópa kílómetrana 5 á 14:01,99 en í fyrra á sama móti hljóp ég 14:29 þannig að þetta er bara mjög jákvætt, nóg inni í bankanum.

Mér leið bara mjög vel í hlaupinu sem fór ansi hægt af stað og í raun drap niður möguleika á að brjóta 14mín múrinn strax á fyrstu 2 hringjunum. Splittin voru eftirfarandi:

 

2:55 - 2:50 (5:45) - 2:48 (8:33) - 2:48 (11:21) - 2:40 (14:01).

 

Ekki sniðugt að byrja á að hlaupa 2:55 fyrsta kílómetra en svona var það víst en þetta var engu að síður góð æfing og flott byrjun. Held að það séu 3 vikur í næsta 5km hlaup og vonandi að hlaupið fari hraðar af stað og að maður verði kominn í góðan gír þá.

 

En ég ætla ekki að hafa þetta lengra í bili þar sem ég er víst á leið í eitthvað partý. Kem með blogg í vikunni!