Frekar sterkur og góður réttur sem hreinsar stífluð nef nokkuð vel og er því góður fyrir kvefaða.

 

Kókosgrillaður kjúklingur

Fyrir 2-3

 

* 360 gr kjúklingabringur. Notið "hamingjusaman kjúkling" (þ.e. free range og organic)

 

Marinering, innihald:

* 2 dl fitusnauð kókosmjólk (light coconut milk), lífrænt framleidd

* 50 gr afhýddur og fínt saxaður engifer

* 12 gr coriander

* 2 stk hvítlauksgeirar

* 2 stk rauður chillipipar (eða minna fyrir þá sem þola illa sterkan mat)

* 2 msk tamarisósa

* 1 msk ávaxtasykur

* 1/2 msk austurlensk fiskisósa (Nam Pla). Fæst í flestum stærri matvöruverslunum og ætti að vera með austurlensku matvörunum.

* safi úr 1 lime

* Blandið öllum hráefnunum saman.

* Setjið í skál ásamt kjúklingnum og dreifið vel yfir.

* Látið skálina í kæli og látið marinerast í 2 tíma

 

Aðferð

* Hitið kjúklinginn vel ásamt svolitlu af marineringunni á pönnu (takið bringuna upp úr og skerið í hana eftir um 10 mínútur. Ef hún er enn þá rauð í skurðinum þá skal hita hana lengur, hún verður að vera steikt í gegn).

* Hitið restina af sósunni upp og berið fram í skál.

 

* Gott að bera fram með hýðishrísgrjónum eða bygggrjónum og fersku salati. Þeir sem hafa glúteinóþol mega ekki borða bygggrjón en mega borða hýðishrísgrjón.