| Þriðjudaginn 14. júlí kl. 14.55 |

Rabbabara- og bananadrykkur

Ég veit að drykkurinn lítur ekki sérstaklega girnilega út svona ljósbrúnn en trúið mér...hann er dásamlega góður og fyrirgefst alveg ljótleikinn.

Drykkurinn er ofurhollur, fullur af trefjum, C vítamíni, andoxunerefnum o.fl. Einnig er hann góður fyrir blóðrás og hjartað. Rabbabari á að minnka hættu á myndun krabbameinsfruma og á að vera góður við bólgum í liðum, ofnæmum og til að lækka háan blóðþrýsting. Drykkurinn er mildur, sætur og passar eiginlega á hvaða tíma dags sem er, fínn að morgni en líka góður eftir vinnu eða ræktina. Það má sleppa því að sjóða döðlur og rabbabara og láta döðlurnar liggja í bleyti í sólarhring og mauka svo vel með rabbabaranum.

Rabbabara- og bananadrykkur
Fyrir 2

* 180 gr döðlur
* 120 gr rabbabari
* 100 ml appelsínusafi, hreinn
* 1 stór banani, vel þroskaður
* 150 ml sojamjólk (einnig má nota haframjólk, möndlumjólk hrísmjólk eða undanrennu)

Aðferð:
* Setjið döðlur, rabbabara og 50 ml af appelsínusafa í pott.
* Sjóðið í 10 mínútur eða þangað til hægt er að mauka döðlurnar og rabbabarann með gaffli.
* Kælið vel.
* Setjið rabbabara- og döðlumaukið í blandara.
* Bætið banana og afganginum (50 ml) af appelsínusafa út í.
* Blandið vel.
* Bætið mjólkinni saman við og blandið þangað til vel maukað.

* Nota má eplasafa í staðinn fyrir appelsínusafa.