| Fimmtudaginn 09. október kl. 18.18 |

Skemmtileg stemming á Öldungamótum

-Segir Margrét Lilja Hrafnkelsdóttir í viðtali við frjálsar.net.

Margrét er ein þeirra sem byrjuðu í seinni kantinum í frjálsum íþróttum eins og það er oft kallað en miðað við það að hún er aðeins 19 ára gömul þá er langt í land að hún sé að fara að hætta, og stefnir á öldungamótin í framtíðinni:)

Margrét er einstaklega jákvæð á lífið og mikil fyrirmynd fyrir aðra.

Frjálsar sýnir hér hina hliðina á þessari lífsglöðu stúlku.

Nafn & búseta:
Margrét Lilja Hrafnkelsdóttir, kópavogsbúi í húð og hár

Fæðingarstaður og ár:
Fædd 1989 í Reykjavík

Fjölskylduhagir:
Á stóra og nána fjölskyldu, 3 systkini þannig að það er oft líf og fjör á heimilinu.

Í hvaða félagi ertu skráð?
Er í Breiðablik .

Hvað er það sem heillar þig svona við frjálsar íþróttir?
Aðallega hreyfingin og félagsskapurinn.

Hvaða grein er í uppáhaldi hjá þér? Og hvaða grein ertu best í?
Grindahlaup er í mestu uppáhaldi hjá mér en þar sem ég æfi spretthlaup þá ætla ég að segja að ég sé best í því.

Hverjir eru þínir helstu styrkleikar?
Ákveðni og metnaður.

Hvað er á döfinni hjá þér?
Í lífinu: klára Kvennó í vor og sennilegast háskólinn næsta haust.
Í frjálsum: nú tekur við uppbyggingartímabil sem ég er spennt fyrir. Svo verður gaman að sjá hvernig gengur á innanhússtímabilinu.

Hvað fékk þig til að byrja í frjálsum?
Þegar ég var lítil var ég alltaf frekar snögg að hlaupa en það var þó ekki fyrr en í 9.bekk sem ég lét tilleiðast og mætti á æfingu.

Nú ert þú ekki búin að vera rosalega lengi í frjálsum, Hvað má þjóðin búast við af Margréti?
Það mun framtíðin leiða í ljós. Markmiðin mín í dag eru að bæta persónulega árangurinn.

Ertu að æfa hjá góðum þjálfara/klúbbi?
Já, ég held að ég geti sagt það. Deildin hjá Breiðablik fær hrós fyrir dugnað, margir góðir hlutir þar á ferð.

Hver eru þín mestu vonbrigði innan vallar sem utan?
Strax kemur upp í hugann vonbrigðin að tapa 4*100 á MÍ sumarið 2008, þar sem úrslitin voru dæmd af sjónarmun, svo jafnt var það.

Er einhver rútína sem þú gerir alltaf fyrir hvert mót/hverja grein ?
Já, upphitunarrútínan góða klikkar aldrei.

Þín æðsta ósk?
Hamingjan, er það ekki markmiðið hjá okkur ölllum?

Er eitthvað sem gæti farið betur í frjálsum á Íslandi?
Alltaf má gott bæta en mér finnst að fjölmiðlaumfjöllun um frjálsar mætti vera meiri.

Fylgistu mikið með íslensku frjálsíþróttafólki ?
Já, ég held að maður komist varla hjá því þegar maður er sjálfur í þessu.

Helstu áhugamál?
Fjölmörg : Íþróttir, útivera, ferðalög, heilsa, tónlist, tíska, eldamennska.

Sérðu þig vera að keppa á Öldungarmótum í framtíðinni ?
Já án nokkurs vafa. Skemmtileg stemming og gaman að taka þátt.

Ef svo í hvaða grein?
Bara öllu saman, langstökki, spretthlaupi, kúluvarpi.

Uppáhalds:

Matur: Alveg rosalega margt. Ég held samt að eldamennskan hans pabba standi uppúr.
Drykkur: vatn, ekki spurning
Vefsíða: fer oftast inná mbl.is og facebook.com þannig að það hljóta að vera þær.
Bók: Það eru svo margar góðar bækur, Arnaldur Indriða, Kite runner og Karítas án titils koma strax upp í hugann.
Bíómynd/ir: Er hrifnust af „kvikmyndahátíða-myndum" Er þar af leiðandi mikill aðdáadi RIFF
Þættir: Sex and the sity, Boston legal o.fl.

 

Hvað er það sem þér dettur fyrst í hug þegar þú heyrir:

Gaddaskór: Spretthlaup
Ferðalög: Frakkland
Bikar: boðhlaup
Öldungar: kúluvarpskeppni
Lokahóf: lokahófið sem haldið var um daginn
Sælgæti: lakkrís

 

 

Besti frjálsíþróttamaður/kona fyrr & síðar ?
Guðrún Arnars

Skemmtilegasta minningin úr frjálsum ?
200m úrslitahlaup á MÍ 15-22 ára árið 2006. Rosalega jafnt hlaup en að lokum náði ég að sigra og stóð uppi sem Íslandameistari 15-16 ára.

Áttu þér einhverja fyrirmynd?
Fólk sem skarar fram úr.

Eitthvað að lokum?
Áfram Breiðablik