Sunnudaginn 11. janúar kl. 21.59

Vantaði bara að veifa íslenska fánanum hátt

-Segir Vésteinn Hafsteinsson snilldar kastþjálfari Gerds Kanter um sigur hans á Ólympíuleikunum í peking i lok sumars hér kemur stutt viðtal við Véstein um þjálfarareynslu hans síðustu ára og einnig tilfinningu hans þegar ólypíutitillinn var í höfn.

 Í september byrjun var haldið í annað sinn tilraun við heimsmeistarametið í Kringlukasti karla.

Keppni þessi var haldin í gamla heimabæ Vésteins, Helsingborg, Svíþjóð.

Það sem þótti einna skemmtilegast við þessa keppni var að þarna var kept í kringlukasti bæði í kvenna og karla flokki. Bestu kastarar á norðurlöndunum í kvennaflokki var saman kominn í helsingborg og stemming á áhorfendapöllunum var alveg gífurleg.

Hátindur keppninnar var svo þegar karlarnir tóku við en skærasta stjarnan í kringlukasti um þessar mundir Gerd Kanter var að sjálfsögðu mættur til að reyna við heimsmetið í kringlukasti.

Eins og flestir ef ekki allir vita þá hefur Vésteinn Hafsteinsson fyrrv. Kringlukastari verið þjálfari Gerds í mörg ár en eflaust færri vita að ástæðan fyrir að Vésteinn fór út í þessa sérþjálfun var þegar Íslendingurinn Magnús Aron Hallgrímsson kringlukastari flutti til Svíþjóðar og leitaði til Vésteins um hvort hann væri ekki til í að þjálfa sig. Vésteini leist mjög vel á það og úr því varð gott vinasamband milli þeirra tveggja.

Vésteinn ákvað á svipuðum tímapunkti að taka að sér fáeina fleiri kastara en hann gerðist Landsliðsþjálfari Dana í kastgreinum og fóru þá fleiri undir hans verndarvæng. Magnús var þó eini íslendingurinn. Svo æxlaðist það að Gerd Kanter fékk að æfa einnig með Magnúsi og Vésteini, en taka má hér fram að á þessum tímapunkti var sko Magnús Aron stjarnan hér og Gerd var „litli" gaurinn.

Svo liðu árin og margt breyttist. Vésteinn ákvað að flytjast aftur til Helsingborg eftir að hafa búið í Árhúsum í 2 ár og sagði um leið skilið við Team Danmark og ákvað að fara sína eigin leið. Magnús ákvað að hætta að æfa eins og atvinnumaður, og uppi stóð Vésteinn með nokkra kastara frá Danmörku, Gerd Kanter ásamt nokkrum efninlegum kösturum víðsvegar af úr heiminum.

Vésteinn var þó fjarri því að hætta að þjálfa enda hafði Gerd sínt stöðugar framfarir á þeim árum sem hann hafði verið hjá Vésteini. Svo gerðist það fyrir tveimur árum rúmum að Gerd kastaði yfir 70 metrana og small tæknin svona rosalega vel hjá honum. Á þessum tímapunkti var Vésteinn búinn að mynda góðan hóp utan um Gerd en eins og flestir vita þá er Gerd frá Eistlandi og kemur aðeins til Vésteins c.a 6 sinnum á ári og stoppar í 1-2 vikur í senn.

Þjálfunin á honum felst þó í því að hann er með þjálfara í Eistlandi sem fer yfir prógramið sem Vésteinn sendir á hann og tekur allt upp á video og svo er það sent á milli og Vésteinn fer yfir og segir til um hvað mætti betur fara. Gerd er þó með mikla flóru af fólki í kringum sig, sinn eigin sjúkraþjálfara svo eitthvað sé nefnt.

Æfingaferðir til Helsingborgar og svo langar æfingabúðir út um allan heim, eru reglulegt ferli í æfingaprógrami Vésteins. En samstarf þeirra hefur gengið mjög vel í gegnum árin og veit ég ekki hvor þeirra er ánægðari með hvorn annan enda mjög samstíga í öllu.

„Að þjálfa Gerd Kanter er eins og að stjórna vélmenni... maður segir honum hvernig hann á að gera eitthvað ákveðið og svo framkvæmir hann það nákvæmlega eins og ég hafði séð það fyrir mér" segir Vésteinn um samstarf hans og Gerds.

Við spjall á Gerd þá kemur hann fyrir sem ungur maður í risavöxnum líkama. Stutt í brosið í hláturinn og greinilega hefur gaman af lífinu.
Frá því að ég kynntist fyrst Gerd fyrir rúmum 2 árum og þangað til dagsins í dag sé ég mikla breytingu á honum en það er greinilegt að lífið er orðið aðeins flóknara og alvörugefnara.

En á þessum tveimur árum hefur mikið gerst í lífi hans, hann varð heimsmeistari og gríðarleg umfjöllun sem fylgdi því og svo á síðasta ári varð hann ólympíumeistari í kringlukasti þannig í raun það eina sem hann á eftir af ferli sínum er að ná heimsmetinu í kringlukasti og er hann ekki svo langt frá því í dag, því var þetta mót haldið í byrjun september 2008 til að gera heiðarlega tilraun að ná heimsmetinu.

Því miður tókst það ekki í þetta skiptið enda Gerd orðinn þreyttur eftir annasumt sumar. Gerd var þó ánægður með lífið og tilveruna og tók á léttu strengina og sagði bara... við tökum þetta á næsta ári svo spennandi verður að fylgjast með þeim tveimur á þessu nýja ári.

Vésteinn viðurkennir að toppurinn á tilverunni var þegar Ólympíugullið var í höfn enda langþráður draumur að rætast og ekki verra þegar það gerist þegar maður er þjálfari meistarans. „Mér leið eins og þjóðarhetju" þegar Gerd vann sigurinn á Ólympíuleikunum og við tökurnar sem við fengum þegar við komum til Eistlands voru ótrúlegar, eflaust var þetta eins og þegar íslenska handknattleiksliðið kom til landsins með silfrið í sumar og sigurstolt íslendingar var með ólíkindum. Segir Vésteinn , en það vantaði bara að maður fór að flagga íslenska fánanum þegar Gerd sigraði því að sjálfsögðu var þetta gríðarlegur sigur fyrir mig sem þjálfara. Segir Vésteinn og hlær.

Karen Inga
Ritstjóri Frjálsar.net

Þriðjudaginn 25. nóvember kl. 07.33

Ég er með alveg frábæran þjálfara og er í geggjuðu félagi

-Segir sleggukastarinn Sandra Pétursdóttir.

Sandra Bætti Íslandsmetið í sleggju í sumar og var ein þriggja kvenna sem kepptust um að kasta yfir 50 metrana á MÍ. Sandra er ung að árum og því ekki ólíklegt að við eigum eftir að sjá mikið frá þessari ungu og efninlegu stúlku

Mánudaginn 03. nóvember kl. 09.44

Þarf bara aðeins að fínpússa tæknina...

-segir Linda Björk Lárusdóttir. Linda er grindahlaupari úr Breiðablik og hefur getið sér virkilega gott orð á sér sem slíkri. Við munum pottþétt á komandi árum fá að sjá enn meira frá henni og hennar afrekum en það er alveg þess vert að hafa augun á þessari fegurðardís.

Frjálsar.net heldur hér áfram að kynna landanum fyrir öflugu og efninlegu frjálsíþróttafólki

Miðvikudaginn 22. október kl. 13.28

Þjóðin má búast við hrikalegum bætingum frá mér...

-Segir Stangastökkshetjan að norðan hann Bjarki Gíslason. Í sumar var það Bjarki sem stóð sig manna best í stönginni þó svo að það voru nokkrir sem veittu honum einhverja keppni en hvernig fer svona ungur strákur frá Akureyri að standa svona upp úr. Hvað er það sem gerir hann svona efninlegann? Frjálsar.net ákvað að fá viðtal við Bjarka og komast að því sem hann er að gera þessa dagana..

Fimmtudaginn 09. október kl. 18.18

Skemmtileg stemming á Öldungamótum

-Segir Margrét Lilja Hrafnkelsdóttir í viðtali við frjálsar.net.

Margrét er ein þeirra sem byrjuðu í seinni kantinum í frjálsum íþróttum eins og það er oft kallað en miðað við það að hún er aðeins 19 ára gömul þá er langt í land að hún sé að fara að hætta, og stefnir á öldungamótin í framtíðinni:)

Margrét er einstaklega jákvæð á lífið og mikil fyrirmynd fyrir aðra.

Frjálsar sýnir hér hina hliðina á þessari lífsglöðu stúlku.

Sunnudaginn 14. september kl. 10.14

Tékka alltaf að því hvort að samfellan/keppnisbúningurinn snúi ekki örugglega rétt....

Segir Ragnar Frosti Frostason, enn einn frjálsíþrótta snillinganna sem eru búsett erlendis. Frjálsar.net hefur fylgst með þessum snillingi í sumar og fannst núna komið tími til að fleiri fái að kynnast honum.... Hver er Ragnar Frosti eiginlega og hvað er hann að gera í svíþjóð.

Fimmtudaginn 04. september kl. 20.09

Munið sjá mig á stórmótum erlendis í framtíðinni

Segir Stefanía Hákonardóttir hlaupari úr Fjölni. Stefanía hefur æft og þjálfað í sumar á Höfn í Hornarfirði..

 Stefanía er úr Grafarvoginum og var því forvitnilegt að vita hvað hún var að gera í sveitinni í sumar.

Stefanía er ekki aðeins í Afrekshópi og úrvalshópi FRÍ heldur er hún einnig í Landsliði Íslands í millivegalengdum.

 Frjálsar.net ákvað því að fá að kynnast hinni hliðinni á þessari öflugu frjálsíþróttakonu framtíðarinnar

Þriðjudaginn 26. ágúst kl. 11.40

Ég er forvitinn endorfínfíkill!

Segir Gauti Ásbjörnsson skemmtilega í viðtali við frjálsar.net Gauti er öflugur stangastökkvari úr Tindastóli en það er reyndar ekki hans eina félag því hann er búsettur í Svíþjóð og æfir og keppir einnig fyrir Örgryte IS. Gauti sýnir landsmönnum því hér aðra hlið á sér..

Mánudaginn 18. ágúst kl. 10.45

Frjálsíþróttafólk er sjálfstætt og metnaðarfullt

og þar af leiðandi skemmtilegt í umgengni..... -Segir Íris Anna Skúladóttir í viðtali við frjalsar.net. Íris Anna er haldin til Danmerkur í nýtt og skemmtileg ævintýri. Íris er eins og margir vita 3000m hindrunnarhlaupari. 1500m hlaupari og reyndar hleypur hún ýmsar vegalengdir sér og öðrum til mikillar skemmtunnar. Íris Anna er í Landsliðshópi Íslands og hefur verið að keppa mikið með landsliðinu á erlendri grundi. Frjálsar.net þótti tilvalið að fá viðtal við dömuna og forvitnast um komandi tíma

Miðvikudaginn 06. ágúst kl. 20.10

ég er ekki með 1 ekki 2 heldur 3 Snilldarþjálfara

-Segir Fannar Blær Austar Egilsson. Fannar er einn af efninlegum Unglingum Landsins sem frjalsar.net leggur til að fylgjast með í nánari framtíð. Hann er í afrekshóp unglinga hjá FRI og keppir aðallega í lengri hlaupum. Fannar er í USÚ svo hann þarf að ferðast langt þegar keppt er á höfuðborgarsvæðinu.

Föstudaginn 01. ágúst kl. 09.39

Lykillinn að árangri er að æfa eins og brjálæðingur og muna að þjálfarinn hefur alltaf rétt fyrir sér.

-Segir Ragnheiður Anna Þórsdóttir, Ragnheiður er ein þeirra sem hefur langt mikla stund á kastgreinar hjá Eggerti Bogasyni í Hafnarfirði, verður framtíðin björt hjá henni???? Gaman verður að fylgjast með henni í nánari framtíð en frjalsar.net kynnir hér enn eina unga og efninlega frjálsíþróttakonu framtíðarinnar.

Mánudaginn 21. júlí kl. 12.43

"Mamma klikkar ekki"

-Segir Heiður Ósk Eggertsdóttir ein af efninlegum unglingum landsins í frjálsum íþróttum. Hér höldum við áfram með að kynna unga og efninlega frjálsíþróttaeinstaklinga sem vert er að fylgjast með í framtíðinnni og er Heiður svo sannarlega ein af þeim